Tuesday, September 10, 2019

Nazr e Imam Hussain AS on 10 Muharram


Muslim Saleem
kuchh is tarah se mitaaya hai naam zaalim ka
ke door door bhi uska asar naheen milta
Hussain naam ke mil jaate hain hazaaron log
Yazeed naam ka koi bashar naheen milta

Sunday, July 21, 2019

IS DAUR MAIN MILAWATI KITNA KHULOOS HAI

MUSLIM SALEEM - 21 JULY 2019
IS DAUR MAIN MILAWATI KITNA KHULOOS HAI
AADHI HAI CHALBAZI TO AADHA KHULOOS  HAI
ALLAH US HASEEN KO RAKKHE PANAAH MAIN
DUNIYA KI ZAD PE EK KUNWARA KHULOOS HAI
LUTATA HOON BAAR BAAR MAIN SAB JAAN BOOJH KAR
MAIN KYA KAROON K MERA TAREEQA KHULOOS HAI

Saturday, July 20, 2019

MAIN CHOOM LOON INHEN MUJH KO YEH KAAM KARNE DE

MUSLIM SALEEM 20 JULY 2019
MAIN CHOOM LOON INHEN MUJH KO YEH KAAM KARNE DE
TIRE LABON KA MUJHAY IHTIRAAM KARNE DE

Friday, July 19, 2019

PAAR HAM HADDE MAHABBAT AAJ HI KAR JAYENGE

MUSLIM SALEEM - 19 JULY 2019
PAAR HAM HADDE MAHABBAT AAJ HI KAR JAYENGE
AAPKA KYA HAI KISI DIN BAYRUKHI KAR JAYENGE
CHHED MAT GUSTAKH HONTON KO HAMARE WARNA YE
TERE CHEHRE PAR KOI MANZAR-KASHI KAR JAYENGE
POOCHH MAT HAR IK SE RASTA WARNA KUCHH AISE BHI HAIN
REHZANON KE GHAR KI JAANIB RAHBARI KAR JAYENGE
HAI YAQEEN HAMKO KE USKE KHANKHANAATE SE KHAYAAL
HONGE HAM GHAMGEEN TOU AAKAR GUDGUDI KAR JAYENGE
HAAR ZAALIM SE MAANEGE, DARA DENGE USAY
KUCHH NAHEEN TOU IK SADAA HI ZOR KI KAR JAYENGE


Thursday, July 18, 2019

RAAT BHAR DAASTAN PIGHALTI RAHI

MUSLIM SALEEM - 18 JULY 2019
SHAMA DE KAR DHUAAN PIGHALTI RAHI
RAAT BHAR DAASTAN PIGHALTI RAHI
SAARI AULAD HO GAYEE KHUSH-HAAL
KYUNKE DIN RAAT MAAN PIGHALTI RAHI
JAB TALAK DILRUBA THA PEHLU MAIN
GARM SAANSON SE JAAN PIGHALTI RAHI
CHHIN GAYEE RAFTA RAFTA GOYAYEE
BAYKASON KI ZABAAN PIGHALTI
FAJR MAIN UTTH NAHEEN SAKAA MUSLIM
KAAN MAIN GO AZAAN PIGHALTI RAHI


MUSLIM SALEEM - 18 july 2019 SHAMA DE KAR DHUAAN PIGHALTI RAHI

MUSLIM SALEEM - 18 july 2019
SHAMA DE KAR DHUAAN PIGHALTI RAHI
RAAT BHAR DAASTAN PIGHALTI RAHI

Monday, July 8, 2019

MUSLIM SALEEM - 8 JULY 2019 .....AAJKAL USKI BADI AUQAT HAI

MUSLIM SALEEM - 8 JULY 2019
AAJKAL USKI BADI AUQAT HAI
MEDIA KA JHOOT JISKE SAATH HAI
LOOTNE NIKLI HAI SAARE MULK KO
BACH KE REHNA CHORON KI BAARAT HAI

Monday, May 27, 2019

EK BAHUT IMAN-AFROZ WAQI'A

EK BAHUT IMAN-AFROZ WAQI'A ....WHAT HAPPENED WHEN KANHAIYYALAL GABA EMBRACED ISLAM?

Monday, May 20, 2019

Naatia Qata: SAMAJH LO KHUD HI WO KITNI AZEEM ZAAT HUI

MUSLIM SALEEM 20 MAY 2019
SAMJH LO KHUD HI WO KITNI AZEEM ZAAT HUI
NABI (saw) KE NOOR SE TAKHLEEQ KAINAAT HUI
SHARAF YE AUR KISI KO NAHEEN HUA HAASIL
KHUDAA KI DEED HUI AUR KHUDA SE BAAT HUI

Friday, May 17, 2019

MUSLIM SALEEM - 17 MAY 2019

JO MILAY HAIN CHAH KI RAAH MAIN WO AZAAB MUJHKO AZEEZ HAIN
MAIN HAQEEQATON SE NAHEEN DARA, MERE KHWAAB MUJHKO AZEEZ HAIN
NA HO JIN MAIN BOO'AY MUSAAHIBAT WOH KHITAAB MUJHKO AZEEZ HAIN
NA HUZOOR E WAALA PASAND HAIN, NA JANAAB MUJHKO AZEEZ HAIN
JISE BAY-LIBAASI KA SHAUQ HAI, WOH HAI MUSLIMAAT PE TAANA-ZAN
YEH TOU ISMATON KE HAIN PAASBAAN, YEH HIJAAB MUJHKO AZEEZ HAIN
HAIN YEH SAB MAZAAHIR E EEZDI YAHI BAS SABAB HAI WAGARNA KAB
YEH QAMAR YEH SHAMS YEH KEHKASHAAN YEH SHIBAAB MUJHKO AZEEZ HAIN
MIRE SAB GUNAAHON KO DHO DIYA, MUJHAY PHIR SE PAAK BANA DIYA
JO SAZAA SAZAA KE TAUR PE MIL GAYE WO ITAAB MUJHKO AZEEZ HAIN

Thursday, May 16, 2019

Yun bhi guzar rahi hai Jo milte tou theek thaa

Muslim Saleem - March 5, 2019

Yun bhi guzar rahi hai Jo milte tou theek thaa
Kuchh pal kisi ke saath guzarte tou theek thaa
Dil main utar ke jalwon ne toofan uthaa diya
Nazron ki sarhadon pe theherte tou theek thaa
Ruswaiyaan uthaa ke bhi jee lenge ham magar
Bante na aarzoo ke tamashe tou theek thaa
Kehti hain Haal dil ka nigahen Janab ki
Kuchh aap apne munh se bhi kehte tou theek thaa
Muslim ke Haal e zaar pe mehfil ne yun kaha
Ye shakhs unke aane se pehle tou theek thaa

USKI ADAA NAY RAKH DIYA KHUD HAMKO MAAR KAY

MUSLIM SALEEM - 7 MAY 2019
USKI ADAA NAY RAKH DIYA KHUD HAMKO MAAR KAY
HAMKO PATAA NAHEEN THAY IRAADE SHIKAR KAY
BOSEEDA PAIRHAN KOI KAB TAK SIYA KARE
BAKHIYE UDHAD GAYE HAIN BAHUT AITBAAR KAY
SEERAT BHALI NA JAANIYE SOORAT KO DEKH KAR
DAAWE GHALAT BHI HOTAY HAIN KUCHH ISHTIHAAR KAY
DHUNDHLA GAYE HAIN AAJ ZAMANAY KI GARD MAIN
JO KUCHH SAJAA KAY RAKKHAY THAY SAPNAY BAHAAR KAY

Friday, April 5, 2019

MUSLIM SALEEM - 5 APRIL 2019 YEH JEENA JIS KE BAAIS IK SAZA HAI

MUSLIM SALEEM - 5 APRIL 2019
YEH JEENA JIS KE BAAIS IK SAZA HAI
MIRE HONTON PE USKI HI SADA HAI
TIRE BIN BHI HO LAMBI UMR MERI
DUA HAI YAA YEH TERI BAD-DUA HAI
QAYAS-AARAYIAN KYOON KAR RAHE HO
HAMEEN SE POOCHH LO KYA MAJRA HAI
KAREN GAY JAB SAFAR KI IBTIDAA TOU
NAHEEN SOCHEN GAY HAM ANJAAM KYA HAI
KABHI HOTI NAHEEN HAI KHATM MUSLIM
SUNO YEH ZINDAGI IK SILSILA HAI

Friday, March 29, 2019

MUSLIM SALEEM - 29 March 2019 HAAT MAIN TOOTI HUI PATWAR HAI

MUSLIM SALEEM - 29 March 2019
HAAT MAIN TOOTI HUI PATWAR HAI
MAUJ KE SEENE PE BHI BHI WAAR HAI
JO BHI MANZIL HAI WO IK DEEWAR HAI
MERI MANZIL MANZILON KE PAAR HAI
CHAIN SE REHNE NAHEEN DETA HAI JO
GHAM MASARRAT KA WO RISHTE-DAAR HAI
YE SAMAJAH PAAYE BADI MUDDAT KE BAAD
JO TIRA INKAAR HAI, IQRAAR HAI
SAB KO TOOFAN SE BACHAA LAAYA HOON MAIN
USKO PAANA BHI MIRA EESAAR HAI