Yaden Aligarh ki : Muslim Saleem

علی گڑھ میری سانسوں میں بسا ہے علی گڑھ میرے منہ سے بولتا ہے
جہاں جسکے سبب محوِ ثنا ہے
مجھے وہ سب علی گڑھ سے ملا ہے
دل اپنا چھوڑ آ یا ہوں وہاں میں
وطن بھوپال بے شک ہو گیا ہے
وہ میرس روڈ ہو یا قاضی پاڑہ
یہ دل اب بھی انھیں کو ڈھونڈتا ہے
گلی کوچوں میں اسکے آنا جانا
وہاں چوبیس برسوں تک رہا ہے
جو ایم۔اے۔او سے اے۔ایم۔ یو ہوا ہے
وہ سیّد کاثوابِ جاریہ ہے
اسے کہتے ہیں مسلم یونی ورسٹی
یہاں سے علم کا دریابہا ہے
سٹی اسکول کا بھی ذکر کردوں
کہ جواک درسگاہِ بے بہا ہے
یہیں پہلی غزل میں نے کہی تھی
یہیں سے میرے فن کی ابتدا ہے
اک ایم۔اے۔یو برانچ اسکول بھی تھا
جو اب تعلیمِ ِ نسواں دے رہا ہے
مرے استاد تھے قیوم صاحب
انھیں سے علم کا تحفہ ملا ہے
چلو اب بات کرلیں کیمپس کی
علاقہ یہ بہت ہی پر فضا ہے
بہاریں آرٹس فیکلٹی کی مسلم
 انھیں سے باغِ جاں اب تک ہرا ہے

Yaden Aligarh ki ...Muslim saleem
Aligarh meri saanson mein basa hai
Aligarh mere mun se boltaa hai
jahan jiske sabab mehve Sana hai
mujhe woh sab Aligarh se mila hai
dil apna chhor aaya hon wahan mein
watan bhopal beshak ho gaya hai
woh merris road ho ya qaazi para
yeh dil ab bhi unhein ko dhoondhta hai
gali koochon mein uskay aana jana
wahan chaubees barson tak raha hai
jo M.A.O se AMU hua hai
woh Syed ka sawab e Jariya hai
usay kehte hain muslim universty
yahan se ilm ka darya bahaa hai
city school ka bhi zikr kar doon
ke jo ik darsgah be-baha hai
yahin pehli ghazal mein ne kahi thi
yahin se mere fun ki ibtida hai
ik AMU you branch school bhi tha
jo ab talimِ e niswan de raha hai
miray ustaad they qayyum sahib
unhein se ilm ka tohfa mila hai
chalo ab baat karlen campus ki
ilaaqa yeh bahut hi pur fiza hai
baharen arts faculty ki muslim
unhein se baghِ e jaan ab tak hara hai